ياللي خذيت القلب في ظرف لحظات
ياللي سكنت ابداخلي فـــــي ثـــواني
من يوم شفــتك رحـت بــي للمسرات
خــذيتني فـــي حبـــك لجــــو ثـــانـى
جـــو المحــبة والــوفــاء والمصـافاة
وابـــعـدت عن إللي قــيـدهم طـــــوانـى
علمتني كيف أعشقك مــوت بسكــات
كيف اوصــل لقلبك وأنــا فـي مكـانـي
لملمتني بشويش مــن بيـن الأهــــات
داويت قـلـب كـــان قبــلـك يعـــــانـي
أعطيتني يـمـنـاك رغــم المســافــات
زرعـت بـي حــب الأمـــل والأمـــانـي
لا قلت: أبشكي، قلت لي:يا الغلا هات
باخـــذ همومك وأحضنك فـي حنانـي
أنت الحنان أصــلاً خــذا منك عـــادات
وأنت الحــلا لـــه فـــي صفاتك مواني
نبرات صــوتـك غـيـرت كــل مــافــات
( بـالـوشـوشـه ) مثـل (النغم والأغانـي)
مقدارك أكــبــر مـــن جميع العبـارات
والمعذرة كــان الخـطـا مـــن لسانـي
