روحي بامان الله

موضوع: روحي بامان الله 1/27/2011, 9:28 am

روحي بامان الله دربك تساهيل
حبٍ بديته اتركه باقتناعي
روحي مثل حلمٍ طرا تالي الليل
ثمّ نسيته بعد ما اصبحت واعي
امن اولٍ والقلب تغليك بالحيل
ياويل من يطريك بالشر ساعي
واليوم غير الامس جمله وتفصيل
دربٍ جمعنا ينتهي بالوداعي
لك سكّتك ولي سكّةٍ ما بها ميل
صعبٍ علي مجاملك في ضياعي
مقدر على حبٍ يذل الرجاجيل
ولا نيب من في الحب يلوي ذراعي
ارفع مناحيها واجنّب عن السيل
وابحث عن اللي قلبها لي يراعي
حبٍ اصيل معدنه لمعه سهيل
ما يرتجي مطماع ولا هو مشاعي
يعرف سمو الحب عن اي تمثيل
ما يهتني بالنوم والحب واعي
حبّ بلا ايثار خدعه وتظليل
ما يستمر الحب دامه صناعي
غرّك هل التطبيل في كل تبجيل
ما عاد لك في صاحب الصدق داعي
يا ما تحملتك ابي بعض تدليل
لكن اشوفك ناويه بالخداعي
روحي مع النسيان ذوقي من الويل
من بعض ما ذقته وانا بالتياعي

موضوع: رد: روحي بامان الله 1/28/2011, 1:44 am

كلمات رائعه بكل مافيها
ولا اجد بيتاً غير رائع
صح لسان قايلها وسلمت يد كاتبها
ربي يعطيك مليوون عافيه
دمتي لنا ^_^

موضوع: رد: روحي بامان الله 1/28/2011, 10:04 pm

مشكوره على الابيات

الحلوه
والاجمل من
حلوه
وانا اجيزك وعقبال المليون

الي بعده

موضوع: رد: روحي بامان الله 1/30/2011, 1:37 am

كلام سطر بما الورد
نسج من الحرير
رصف بالزمرد وعطر بالمسك
سلمت يداك

موضوع: رد: روحي بامان الله 1/31/2011, 3:53 pm

الرووووع’ــــه تكمن في توآ‘إآإآإآج’ــــــــــــدكم يالغ’ـوآإآإآلي

اسع’ـدني مروركم يالغ’ـوآإآإآلي